...
...
  1. Нүүр
  2. Улс төр

Р.Дагва: Хүнд нөхцөлд цаг наргүй ажилладаг мэргэжлийн байгууллагын алба хаагчдыг ая тухтай ажиллах нөхцөлөөр хангана

 690     3   2020-4-20
Нийслэлийн гэмт хэргээс урьдчилан сэргийлэх ажлыг зохицуулах зөвлөлийн дарга, Нийслэлийн ИТХ-ын дарга Р.Дагва Нийслэлийн онцгой байдлын газарт иж бүрэн тоног төхөөрөмж бүхий явуулын ажлын байр хүлээлгэж өглөө.  “Сovid-19” цар тахалтай холбоотойгоор онцгой байдал, цагдаа, мэргэжлийн хяналт, эрүүл мэндийн байгууллагын алба хаагчид өндөржүүлсэн бэлэн байдалд үүрэг гүйцэтгэж байна. Тэдний ажиллах орчин нөхцөлийг сайжруулахаар Нийслэлийн гэмт хэргээс урьдчилан сэргийлэх ажлыг зохицуулах зөвлөлөөс тохилог, иж бүрэн тоног төхөөрөмж бүхий явуулын ажлын байрны асуудлыг шийдвэрлэсэн юм.



Тус явуулын ажлын байр нь компьютер, утасгүй интернэтийн сүлжээ, камер хяналт, цахилгаан үүсгүүрээр тоноглогдсон, шуурхай удирдлагын төвтэй интернэтээр шууд холбогдож, мэдээллийг дамжуулах, зөрчлийг цаг алдалгүй шийдвэрлэх боломжийг бүрдүүлж өгчээ. Түүнээс гадна 24 цагаар үүрэг гүйцэтгэж байгаа алба хаагчдыг ээлжээр амрах боломжоор хангаж эвхэгддэг ор, халаагуур болон гал тогооны хэрэгслийг байрлуулсан байна.



Нийслэлийн хувьд товчоодод стандарт хангасан явуулын ажлын байрны асуудлыг цаашид шат дараалан шийдвэрлэхээр ажиллаж байна. Хүнд нөхцөлд ажилладаг мэргэжлийн байгууллагын алба хаагчдынхаа эрүүл мэндийг хамгаалах, ая тухтай, шуурхай ажиллах орчин нөхцөлийг бүрдүүллээ.

Нийслэлийн ИТХ-ын ХМОНХТ
 690     3   2020-4-20
Энэхүү мэдээ нь зохиогчийн эрх зөрчсөн, зохисгүй агуулга оруулсан, бусдын эрх ашигт халдсан байвал дараах утсаар мэдэгдэнэ үү: 99503250
Сэтгэгдэл илгээхийн тулд хариуг оруулна уу
Сэтгэгдэл (3)

Онцлох мэдээ

Зохиогчийн эрх хуулиар хамгаалагдсан болно.

BreakingNews.mn сайтын уран бүтээлчид, сэтгүүлчдийн мэдээллийг
редакцийн зөвшөөрөлгүй хуулбарлах, цацах, ямар нэгэн хэлбэрээр ашиглахыг хориглоно.