...
...
  1. Нүүр
  2. Улс төр

АН-ын тамгыг булаацалдах ДАРААГИЙН ХОЁР

 539    2021-3-29

Хоёр ч парламентын сонгууль дараалан ялагдал хүлээсэн улс төрийн хоёр дахь хүчин болох АН-ынхан дотооддоо хоёр хуваагдаж, хоёр тийшээ хараад удаж байна. Учир нь, УИХ-ын гишүүн асан С.Эрдэнэ, УИХ-ын гишүүн Ц.Туваан нарын хэнд нь АН-ын даргын жинхэнэ тамга, тэмдэг байгаа нь тодорхойгүй явсаар өнөөг хүрчээ. Тэд намын даргын суудал, түүнийг батлах тамга, тэмдгээ булаацалдаж, тэрхүү тэмцэл нь шүүх дээр очсон ч хэн нь ч албан ёсоор АН-ын даргын тамга, тэмдгийг авч чадаагүй байдаг. 

Нам нь дотроо С.Эрдэнийн тал, Ц.Тувааны тал гэж хуваагдсан шиг ээ АН-ын дараагийн даргыг сонгох сунгаа ч хоёр талд зэрэг шахам явагдлаа. УИХ-ын гишүүн асан С.Эрдэнийн талаас АН-ын даргаар М.Тулгат ялалт байгуулсан бол УИХ-ын гишүүн Ц.Тувааны талаас АН-ын даргаар О.Цогтгэрэл тодорллоо.

Ингэснээр АН-ын даргын суудал, түүнийг батлах тамга, тэмдгийг С.Эрдэнэ, Ц.Туваан нар биш М.Тулгат, О.Цогтгэрэл нар булаацалдах нь. Өөрөөр хэлбэл, өнгөрсөн хугацаанд УИХ-ын гишүүн асан С.Эрдэнэ, УИХ-ын гишүүн Ц.Туваан хоёрын хэн нь АН-ын дарга, хэнд нь байгаа тамга, тэмдэг нь албан ёсных вэ гэдэг маргаан эцэслэгдэх бус тэр хоёрын "зовлон"-г хоёр талд АН-ын дагаар тодорсон М.Тулгат, О.Цогтгэрэл нар үргэлжлүүлэхээр болж байна.

 539    2021-3-29
Энэхүү мэдээ нь зохиогчийн эрх зөрчсөн, зохисгүй агуулга оруулсан, бусдын эрх ашигт халдсан байвал дараах утсаар мэдэгдэнэ үү: 99503250
Сэтгэгдэл илгээхийн тулд хариуг оруулна уу
Сэтгэгдэл (0)

Онцлох мэдээ

Зохиогчийн эрх хуулиар хамгаалагдсан болно.

BreakingNews.mn сайтын уран бүтээлчид, сэтгүүлчдийн мэдээллийг
редакцийн зөвшөөрөлгүй хуулбарлах, цацах, ямар нэгэн хэлбэрээр ашиглахыг хориглоно.