...
...
  1. Нүүр
  2. Боловсрол

ӨНӨӨДӨР ОЛОН УЛСЫН ЗӨВЛӨХҮҮДИЙН ЗӨВЛӨЛИЙН 2 ДУГААР ХУРАЛ БОЛНО.

 393    2017-6-28




Олон  улсын зөвлөхүүдийн зөвлөлийн 2 дугаар хурал 2017 оны 6 дугаар сарын 28-ны өдөр буюу өнөөдөр “Туушин” зочид буудлын Соёмбо танхимд болно. Хурлаар дээд боловсролын салбарт тавигдаж байгаа шинэ зорилго, үндэсний хөтөлбөр, үйл ажиллагааг судалж уялдуулах талаар санал солилцож зөвлөмж өгнө.

Хурлын  үеэр ЮНЕСКО-ийн Нийгэм, хүмүүнлэгийн секторын Нийгмийн өөрчлөлт, соёл хоорондын харилцааны салбарын захирал, доктор, профессор Дэндэвийн Бадарч “Нээлттэй, хурдацтай өөрчлөлтийн үе дэхь хөгжиж буй орнуудын дээд боловсрол”, Хонконгийн их сургуулийн Боловсролын сургуулийн Боловсролын бодлогын захирал, профессор Кэй Минг Ченг “Өөрчлөлтийг хийх маргаашийн дээд боловсрол”, Стэнфордын их сургуулийн профессор Сузанна Лоеб “Дээд боловсролын судалгаа, хүний нөөцийн олон улсын чиг хандлага” сэдвээр илтгэл тавьж хэлэлцүүлнэ.

Хурлыг Дээд боловсролын шинэчлэлийн төсөл зохион байгуулж, БСШУСЯ, Азийн Хөгжлийн Банк, Боловсролын магадлан итгэмжлэлийн үндэсний зөвлөл, төрийн болон хувийн өмчит дээд боловсролын сургалтын байгууллагуудын төлөөлөл болох зуу гаруй удирдлага, доктор, профессор, эрдэмтэн судлаач, багш нар оролцох юм.

 393    2017-6-28
Энэхүү мэдээ нь зохиогчийн эрх зөрчсөн, зохисгүй агуулга оруулсан, бусдын эрх ашигт халдсан байвал дараах утсаар мэдэгдэнэ үү: 99503250
Сэтгэгдэл илгээхийн тулд хариуг оруулна уу
Сэтгэгдэл (0)

Онцлох мэдээ

Зохиогчийн эрх хуулиар хамгаалагдсан болно.

BreakingNews.mn сайтын уран бүтээлчид, сэтгүүлчдийн мэдээллийг
редакцийн зөвшөөрөлгүй хуулбарлах, цацах, ямар нэгэн хэлбэрээр ашиглахыг хориглоно.