...
...
  1. Нүүр
  2. Соёл урлаг

ОНЦГОЙ ТОГЛОЛТ: С.Саянцэцэг суут Бетховенд зориулан тоглоно

 732    2020-1-4

Суут хөгжмийн зохиолч  Людвиг ван Бетховений мэндэлсний 250 жилийн ойг энэ 2020 онд дэлхий даяараа тэмдэглэх билээ. Людвиг ван Бетховен 1770 оны 12 сарын 16-нд Германы Бонн хотноо мэндэлсэн байдаг.

Тэгвэл төгөлдөрч хуурч Сангидоржийн Саянцэцэг суут Бетховенд зориулсан тоглолтоо өнөөдөр буюу нэгдүгээр сарын 4-нд Монгол Улсын нийслэл Улаанбаатар хотноо хийх гэж байна.

Энэ тоглолтыг угтан төгөлдөр хуурч С.Саянцэцэгийн дүү хөгжмийн зохиолч С.Сансаргэрэлтэх нэгэн дурсамжийг хуваалцжээ. Түүнийг өгүүлснийг эшлэе.

“2007 оны намар Нью-Йорк хотын алдарт Карнегийн танхимын зарын самбарт анх удаа Монгол хөгжимчний Сангидоржийн Саянцэцэг гэх нэр зурагтайгаа хэвлэгдэн тавигдсан түүхтэй.

Энэ тоглолтод эгч маань маш хүнд хүчирхэг бүтээлүүдийг багтааж 2 цагийн туршид завсарлагагүй гоцлон тоглож дуусгасан билээ.

Эхнээс нь дуустал сонсохдоо захаа мушгин, суллан сонсож сүүлийн аккордыг тоглож дуусгахад "Бравоо!" гэх танхим нүргээх алга ташилтад сая л нэг бүтэн амьсгаа авч баярын нулимс цийлэгнэж эгчийнхээ хүнд хөдөлмөрт бишрэн сууж байлаа.

Энэ тоглолт нь маш хүнд бөгөөд онцгой их амжилттай болсон нь амьд бичлэг дээр үлдсэнээс гадна, Нью-Йорк хотын "Концерт Ревью" сэтгүүлд "Сангидоржийн Саянцэцэг нь Оросын алдарт Хорровицийг санагдуулам тоглолоо" гэж харьцуулан бичиж үлдээсэн байдаг.

2020 оны 1 сарын 4-нд эгч маань шинэ оны эхний нар гэдэг шиг, энэ оны эхний тоглолтоо УДБЭТ-т хийх тул та бүхэн морилон саатаж, алжаа юугаа тайлан сонгодог хөгжмөөр бие сэтгэлээ амраагаарай гэж урьж байна аа” гэсэн байна.

 732    2020-1-4
Энэхүү мэдээ нь зохиогчийн эрх зөрчсөн, зохисгүй агуулга оруулсан, бусдын эрх ашигт халдсан байвал дараах утсаар мэдэгдэнэ үү: 99503250
Сэтгэгдэл илгээхийн тулд хариуг оруулна уу
Сэтгэгдэл (0)

Онцлох мэдээ

Зохиогчийн эрх хуулиар хамгаалагдсан болно.

BreakingNews.mn сайтын уран бүтээлчид, сэтгүүлчдийн мэдээллийг
редакцийн зөвшөөрөлгүй хуулбарлах, цацах, ямар нэгэн хэлбэрээр ашиглахыг хориглоно.