...
...
  1. Нүүр
  2. Эдийн засаг

Зарим ААН-ийн татварыг 90 хувиар хөнгөлнө

 514     1   2016-10-4

Манай улсын хөдөлмөрийн насны нийт хүмүүсийн 850 мянган хүнийг Жижиг дунд бизнес эрхлэгчид /ЖДБЭ/ ажилтай болгож байгаа. Төрд 250 мянган хүн, томоохон компаниудад 100 гаруй мянган хүн ажиллаж байгаа гэсэн үг.

Тэгвэл дээрх  850 мянган хүнийг ажлын байраар хангаж байгаа ЖДБЭ-ийн эрхзүйн орчин төдийлөн таатай биш. Угтаа 850 мянган хүнийг ажлын байртай болгож байгаа энэ хүмүүсээр дамжуулаад олон мянган хүн өдрийн хоолтойгоо залгадаг.

Төрд сууж байгаа хүмүүс нь ч тэр мянга мянган хүний амьдралыг нуруун дээрээ үүрч явдаг хувийн хэвшил рүүгээ дайрсан байдалтай үг хэллэг хэлэх нь ч  ихээхэн анзаарагддаг. Энэ нь эргээд ард иргэдийнхээ  бизнес хийх сэтгэлгээг нь сааруулдаг гэдгийг хэн хүнгүй мэднэ.Төрийн албан хаагчид, төрийн ажлыг голлон авч үзээд байвал хүн бүхэн бизнес хийхийг хүсэхгүй.

Мэргэжлийн засгийн газар бүрэлдсэн даруйдаа л УИХ-ын ээлжит бус чуулганы үеэр нэр бүхий  найман төрлийн татвар нэмэх санал оруулж ирээд байсан ч дэмжигдэлгүй буцаагдсан нь "аз" болов.  Тэгвэл  засгийн  газраас ирэх онд дахин татвар нэмэхгүй, шинэ төрлийн татвар бий болгохгүй  гэдгээ  мэдэгдээд буй. 

Түүнчлэн татварын таатай орчныг бүрдүүлэх, ААН-үүдээ дэмжих бодлогын хүрээнд Сангийн яамнаас өргөн баригдсан хуулийн төслийн хүрээнд  жилийн борлуулалтын орлого нь 1.5 тэрбум төгрөгөөс ихгүй, хүнсний үйлдвэрлэл, хувцас болон нэхмэлийн үйлдвэрлэл, барилгын материалын үйлдвэрлэл болон газар тариалан, мал аж ахуйн үйлдвэрлэлийн чиглэлээр үйл ажиллагаа явуулж байгаа албан татвар төлөгчийн үндсэн үйл ажиллагааны орлогод 2017 оны 1 дүгээр сарын 1-ний өдрөөс 2021 оны 1 дүгээр сарын 1-ний өдрийг хүртэлх хугацаанд 1 хувиар орлогын албан татвар ногдуулахаар буюу ногдуулсан татварыг 90 хувиар хөнгөлөхөөр тусгагджээ.

Жилийн орлого нь 1.5 тэрбум төгрөгөөс ихгүй ААН-ийн татварыг 90 хувиар хөнгөлөхөөр тусгагджээ.

Хэрэв дээрх хуулийн төсөл батлагдвал жижиг, дунд бизнес эрхлэгч аж ахуйн нэгжийн татварын дарамт буурч, ажлын байр, хөдөлмөр эрхлэлт нэмэгдэх, шинээр бизнес эрхлэх явдлыг нэмэгдүүлэх зэрэг таатай орчин бүрдэх учиртай.

 

Б.Алтжин

Эх сурвалж: Breakingnews.mn

 514     1   2016-10-4
Энэхүү мэдээ нь зохиогчийн эрх зөрчсөн, зохисгүй агуулга оруулсан, бусдын эрх ашигт халдсан байвал дараах утсаар мэдэгдэнэ үү: 99503250
Сэтгэгдэл илгээхийн тулд хариуг оруулна уу
Сэтгэгдэл (1)

Онцлох мэдээ

Зохиогчийн эрх хуулиар хамгаалагдсан болно.

BreakingNews.mn сайтын уран бүтээлчид, сэтгүүлчдийн мэдээллийг
редакцийн зөвшөөрөлгүй хуулбарлах, цацах, ямар нэгэн хэлбэрээр ашиглахыг хориглоно.