...
...
  1. Нүүр
  2. Эдийн засаг

Доллар долоон цагийн дотор 2600-д ХҮРЧЭЭ

 4393     10   2016-11-10

Яг одоогийн байдлаар валютын хар зах дээр долларыг 2590 төгрөгөөр авч 2610 төгрөгөөр борлуулж байгаа тухай эх сурвалж мэдээллээ. Энэ нь сүүлийн долоон цагийн дотор долларын ханш 100 төгрөгөөр өссөн гэсэн үг юм.

Ойрын таван хоногm долларын ханш ийн гэрлийн хурдаар өсч буй нь улс орны эдийн засагт хэрхэн нөлөөлөх талаар олон нийт сэтгэгдлээ илэрхийлсээр байна.

Олон Улсын валютын зах дээр долларын ханш унаж, алтны үнэ өсөж байгаа талаар дэлхийн зарим хэвлэлүүд мэдээлжээ.

Юуны учир Монголд долларын ханш нэг өдрийн дотор 100 гаруй төгрөгөөр нэмэгдэж буйг одоогоор хэн ч тайлбарлаагүй байгаа юм.

Хэрэв энэ маягаар өсвөл дагаад бензин, өргөн хэрэглээний бараа, импортын бүтээгдэхүүнүүд өсдөг бизнесийн зарчимтай билээ. Үүн дээр Монгол банкнаас ч ямар нэгэн тайлбар өгөөгүй байна.

Мөн энэхүү асуудалтай холбогдуулж Голомт банк хоёр цагийн өмнөөс доллар худалдахаа зогсоожээ. Зарим хэсэг нь энэхүү долларын өсөлт өнгөрөгч 3-ны өдрөөс хойш Монголбанк бусад банкууддаа доллар нийлүүлээгүйгээс болсон хэмээн таамаглаж байна.

Өнөөдрийн арилжаагаар арилжааны банкууд Монголбанкнаас дөрвөн сая ам.доллар худалдан авах санал ирүүлсэн ч төвбанк дуудлага худалдаанд оролцоогүй аж.

Б.Энх-Уянга

www.breakingnews.mn

 4393     10   2016-11-10
Энэхүү мэдээ нь зохиогчийн эрх зөрчсөн, зохисгүй агуулга оруулсан, бусдын эрх ашигт халдсан байвал дараах утсаар мэдэгдэнэ үү: 99503250
Сэтгэгдэл илгээхийн тулд хариуг оруулна уу
Сэтгэгдэл (10)

Онцлох мэдээ

Зохиогчийн эрх хуулиар хамгаалагдсан болно.

BreakingNews.mn сайтын уран бүтээлчид, сэтгүүлчдийн мэдээллийг
редакцийн зөвшөөрөлгүй хуулбарлах, цацах, ямар нэгэн хэлбэрээр ашиглахыг хориглоно.