...
...
  1. Нүүр
  2. Орон нутаг

Дорнод аймгийн төвд баригдах автозамын ажлын чанарт хяналт тавьж ажиллахыг үүрэг болгов

 429    2019-5-17

Чойбалсан хотод улсын төсвийн 10,9 тэрбум төгрөгийн хөрөнгө оруулалтаар Бумбатын дөрвөн замын уулзвараас Нисэх, Төмөр замын уулзвар хүртэл явган хүний болон дугуйн зам бүхий хоёр урсгалтай, дөрвөн эгнээ бүхий 5.5 км хатуу хучилттай замын ажил хийгдэнэ. Тус ажлын тендер шалгаруулалт Төрийн өмчийн бодлого зохицуулалтын газарт зарлагдан, тендер нээгдэж байгаатай холбогдуулан өнөөдөр аймгийн Засаг дарга М.Бадамсүрэн аймгийн ЗДТГ-ын Хөрөнгө оруулалт, хөгжлийн бодлого төлөвлөлт хэлтэс, аймгийн Газрын харилцаа барилга хот байгуулалтын газар, Хэрлэн сумын Засаг даргын тамгын газар болон захирагчийн алба, Цагдаагийн газрын удирдлага, холбогдох мэргэжилтнүүдэд үүрэг даалгавар, чиглэлүүдийг өглөө.

Замын ажил хийгдэх явцад одоо байгаа замыг түр хаахтай холбогдуулан шинээр түр замуудыг нээх, үүнтэй холбоотойгоор хөдөлгөөний аюулгүй байдлыг хангуулж, иргэдэд хүндрэлгүйгээр замын хөдөлгөөний зохицуулалт хийж ажиллахыг, замын чиглэлд давхцах иргэн, аж ахуйн нэгжийн хашааг татах, шаардлагатай тохиолдолд газрыг чөлөөлөх ажлыг хууль тогтоомжийн дагуу зохион байгуулж ажиллах, замын ажлыг чанартай, стандартын дагуу хийж гүйцэтгүүлэхэд ашиглагч тал болох орон нутгийн зүгээс явцын хяналтыг өндөр түвшинд хэрэгжүүлж ажиллах чиглэлийг дээрхи байгууллагын удирдлагуудад өглөө.

 429    2019-5-17
Энэхүү мэдээ нь зохиогчийн эрх зөрчсөн, зохисгүй агуулга оруулсан, бусдын эрх ашигт халдсан байвал дараах утсаар мэдэгдэнэ үү: 99503250
Сэтгэгдэл илгээхийн тулд хариуг оруулна уу
Сэтгэгдэл (0)

Онцлох мэдээ

Зохиогчийн эрх хуулиар хамгаалагдсан болно.

BreakingNews.mn сайтын уран бүтээлчид, сэтгүүлчдийн мэдээллийг
редакцийн зөвшөөрөлгүй хуулбарлах, цацах, ямар нэгэн хэлбэрээр ашиглахыг хориглоно.