...
...
  1. Нүүр
  2. Улс төр

ШУУРХАЙ: МАН-ын гишүүнчлэлээс Ц.Анандбазарыг хаслаа

 798    2021-5-13

МАН-ын Хяналтын хороо өнөөдөр /2021.05.13/ 12.00 хуралдлаа.

Хурлаар нэр бүхий улстөрчийг намын гишүүнчлэлээс түдгэлзүүлэх эсэх асуудлыг хэлэлцээд, УИХ-ын гишүүн Ц.Анандбазарыг МАН-ын гишүүнчлэлээс түдгэлзүүлэх шийдвэр гаргалаа. 

Түүнийг намын нэр хүнд унагасан гэж үзэн, хувийн асуудлаа шийдэх хүртэл намын болон УИХ дахь МАН-ын бүлгийн үйл ажиллагаанд оролцуулахгүй гэж үзсэн байна. 

УИХ-ын гишүүн Ц.Анандбазарыг охид, эмэгтэйчүүдэд бэлгийн хүчирхийлэл үзүүлсэн байж болзошгүй хэргээр хуулийн байгууллагаас шалгаж байгаа юм.

Эл асуудалд Ерөнхий сайд асан, МАН-ын дарга, УИХ-ын гишүүн У.Хүрэлсүх болон Засгийн газрын тэргүүн Л.Оюун-Эрдэнэ нар "УИХ-ын гишүүн Ц.Анандбазарыг бүрэн эрхээсээ түдгэлзүүлж, шалгуулах ёстой" хэмээж, "Хэрэв түүний гэм буруутай нь тогтоогдох аваас МАН-ын гишүүнчлэлээс хасаж, хариуцлага тооцох болно" гэдгээ илэрхийлсэн билээ. 

Нийгмийн анхаарал татсан дуулиант сэдвийн "эзэн" болоод байгаа УИХ-ын гишүүн Ц.Анандбазарыг МАН-ын Хяналтын хорооны шийдвэрээр хувийнхаа асуудлыг эцэслэн шийдэгдэх хүртэл намын гишүүнчлэлээс түдгэлзүүлж, шийдвэрлэлээ. 

 798    2021-5-13
Энэхүү мэдээ нь зохиогчийн эрх зөрчсөн, зохисгүй агуулга оруулсан, бусдын эрх ашигт халдсан байвал дараах утсаар мэдэгдэнэ үү: 99503250
Сэтгэгдэл илгээхийн тулд хариуг оруулна уу
Сэтгэгдэл (0)

Онцлох мэдээ

Зохиогчийн эрх хуулиар хамгаалагдсан болно.

BreakingNews.mn сайтын уран бүтээлчид, сэтгүүлчдийн мэдээллийг
редакцийн зөвшөөрөлгүй хуулбарлах, цацах, ямар нэгэн хэлбэрээр ашиглахыг хориглоно.