...
...
  1. Нүүр
  2. Улс төр

Наадмаас хэмнэсэн хөрөнгийг ЭРҮҮЛ МЭНДИЙН САЛБАРТ зарцуулахаар боллоо

 828    2021-6-16

Засгийн газрын ээлжит хуралдаан өнөөдөр /2021.06.16/ боллоо. Хуралдаанаар наадмыг цахимаар үзэгчгүй зохион байгуулах шийдвэрийг гаргалаа. Харин аймаг, сумдын наадмыг зохион байгуулахыг хориглох шийдвэрийг гаргасан байна. 

Тэгвэл наадмыг цахим хэлбэрээр үзэгчгүй зохион байгуулахтай холбогдуулан хэмнэсэн хөрөнгийг эрүүл мэндийн салбарт зарцуулах чиглэлийг Ерөнхий сайд өглөө. Учир нь, энэ жилийн үндэсний их баяр наадамд 10 тэрбум төгрөгийг төсөвлөөд байгаа юм. 

Хуралдаанаар ямар шийдвэр гарсан талаар Засгийн газрын Хэвлэлийн төлөөлөгч Ч.Болортуяа "Засгийн газрын ээлжит хуралдаан үргэлжилж байна. Өнөөдрийн хуралдаанаар Улсын Онцгой комиссын хуралдааны шийдвэрийг хэлэлцлээ. Долоо хоногийн хугацаанд зарим аж ахуйн нэгжийн үйл ажиллаагаг хязгаарлахаар боллоо. Тухайлбал, хоолны газрын заалны үйлчилгээг долоо хоногоор хязгаарлах, халдварын эмчилгээний арга барилаа өөрчлөх чиглэл өглөө. Ерөнхий сайд, Шадар сайдын зүгээс аль болох хатуу хөл хорио тавихгүй байх чиглэлийг өгч байна. Үндэсний их баяр наадмыг цахим хэлбэрээр үзэгчгүй зохион байгуулна. Харин орон нутаг, аймаг сумдын баяр наадмыг зохион байгуулахгүй, хориглож байна. Харин хэмнэсэн зардлыг нь эрүүл мэндийн салбарт зориулна" гэх мэдээллийг өглөө.

 828    2021-6-16
Энэхүү мэдээ нь зохиогчийн эрх зөрчсөн, зохисгүй агуулга оруулсан, бусдын эрх ашигт халдсан байвал дараах утсаар мэдэгдэнэ үү: 99503250
Сэтгэгдэл илгээхийн тулд хариуг оруулна уу
Сэтгэгдэл (0)

Онцлох мэдээ

Зохиогчийн эрх хуулиар хамгаалагдсан болно.

BreakingNews.mn сайтын уран бүтээлчид, сэтгүүлчдийн мэдээллийг
редакцийн зөвшөөрөлгүй хуулбарлах, цацах, ямар нэгэн хэлбэрээр ашиглахыг хориглоно.