...
...
  1. Нүүр
  2. Спорт

А.ЭНХТУУЛ , Б.АЧБАДРАХ нар эхний зайдаа уралдлаа

 701    2022-2-9

Ц.Энхтүвшин, "Таван цагариг"

-Б.АЧБАДРАХ Олимпын аварга А.Большуновын “дээр” бичигдлээ

 “Бээжин-2022” Өвлийн  олимпын XXIV наадмын гүйлтийн цанын төрөлд оролцож буй манай хоёр цаначин өнөөдөр эхний зайдаа буюу спринт (1,5 км) -д уралдлаа.

Эмэгтэйчүүдийн спринт (богино зай)-д 91 тамирчин гараанаас гарахаар бүртгүүлсэн байсан 90 нь уралдааны замд гарлаа. БНСУ-ын цаначин гараанаас гарсангүй.

Манай А.Энххтуул 84-т эрэмбэлэгдэн гараанаас гарав.

1.5 км-ийн уралдааны урьдчилсан шатыг Шведийн Йонна Сундлинг 3:09.03 минутын амжилтаар өнгөлсөн бол А.Энхтуул 3:58.25 минутын амжилтаар 79-р байрт бичигдлээ. Манай ард Армен, Латви, Литва, Аргентин, Бразил, Турк, Литва, Грек, Бразил, Грек, Босни, гараанаас гараагүй БНСУ-ын цаначин гэээд нийт 12 тамирчин бичигдлээ.Урьдчилсан шатнаас шалгарсан шилдэг 30 тамирчин цааш медалийн төлөө өрсөлдөх болно.

Хоёр дахь олимпдоо оролцож буй Б.Ачбадрахын уралдсан эрэгтэйчүүдийн 1.5 км-ийн спринт зайд 90 тамирчин бүртгүүлснээс 88 цаначин гараанаас гарч Францын Лукас Шанават 2:45.03 минутын амжилтаар урьдчилсан шатыг өнгөлөв.

Манай тамирчин Б.Ачбадрах 3:11.60 минутын амжилтаар 77-р байрт бичигдлээ. Манай тамирчны ард Исланд, БНХАУ, Турк, БНСУ-ын хоёр цаначин, Грек, Монтенегро, Чили, Македон, Ливан, Колумбын болон гараанаас гараагүй Беларусь, Оросын олимпийн хорооны тамирчид бичигдлээ. Оросын ОХ-ны тамирчин нь "Бээжин-2022"-д 15 км-ийн скиатлонд түрүүлж Оросын багийн анхны алтан медалийг авчирсан Александр БОЛЬШУНОВ. Тэрбээр уралдааны өмнө өөрийн хүсэлтээр (бусад зай төрөлд уралдах тул амралт хэрэгтэй гэж үзсэн) гараанаас гарахаас татгалзжээ.

Манай тамирчдын хувьд хоёрдугаар сарын 10-нд А.Энхтуул эмэгтэйчүүдийн 10 км, 11-нд Б.Ачбадрах эрэгтэйчүүдийн 15 км-т хурд сорих болно.

Гэрэл зургийг Д.Нямбилэг, С.Энхжаргал( Монголын спортын сэтгүүлчдийн холбоо)

 701    2022-2-9
Энэхүү мэдээ нь зохиогчийн эрх зөрчсөн, зохисгүй агуулга оруулсан, бусдын эрх ашигт халдсан байвал дараах утсаар мэдэгдэнэ үү: 99503250
Сэтгэгдэл илгээхийн тулд хариуг оруулна уу
Сэтгэгдэл (0)

Онцлох мэдээ

Зохиогчийн эрх хуулиар хамгаалагдсан болно.

BreakingNews.mn сайтын уран бүтээлчид, сэтгүүлчдийн мэдээллийг
редакцийн зөвшөөрөлгүй хуулбарлах, цацах, ямар нэгэн хэлбэрээр ашиглахыг хориглоно.