...
...
  1. Нүүр
  2. Спорт

Камила Валиеваг Олимпын наадамд оролцохыг зөвшөөрлөө

 532    2022-2-14

Спортын арбитрийн шүүхээс допингийн хэрэгт холбогдоод байгаа ОХУ-ын тамирчин Камила Валиевагийн асуудлыг өчигдөр (2022.02.13) хэлэлцэж, дөнгөж сая эцсийн шийдвэрээ танилцууллаа. 

Үүссэн асуудлыг сануулахад, Бээжин олимпын уран гулгалтын багийн төрлийн уралдаанд ОХУ-ын баг түрүүлсэн. Гэвч тэмцээний дараа шагнал гардуулах ёслол болоогүй. Учир нь эмэгтэй ганцаарчилсан төрлийн Камила Валиевагийн өнгөрсөн 12 дугаар сард ОХУ-ын аварга шалгаруулах тэмцээн дээр өгсөн сорьцоос хориотой бодис илэрсэн юм. Энэ хариуг аваад Оросын допингийн эсрэг агентлаг энэ сарын 8-нд түүний тэмцээнд орох эрхийг хассан. Гэхдээ маргааш нь буюу 9-нд сэргээжээ. 

Оросын допингийн эсрэг агентлагийн энэ шийдвэрийг ОУОХ, Олон улсын тэшүүрийн холбоо эсэргүүцэж, Спортын арбитрын шүүхэд хандсан юм.

Спортын арбитрын шүүхээс зарласан хуралд Валиева видеогоор холбогдож, байцаалт өгчээ.

Шийдвэр гаргахад хэд хэдэн хүчин зүйл нөлөөлжээ. Нэгдүгээрт, арванхоёрдугаар сарын 25-нд авсан шинжилгээний хариу яагаад хоёрдугаар сарын 8-нд ирсэн... Олимп болох гэж байхад тийм удаан шинжилсэн нь сэжиг төрүүлж байгаа. Мөн 15 настай буюу насанд хүрээгүй тамирчны нэрийг шууд сэжигтнээр зарлаж, хууль зөрчсөн гэх мэт шалтгааныг чухал болгожээ. Иймд шүүх эхийг нь эцээж, тугалыг нь тураахгүй шийдвэр гаргахаас өөр аргагүй болсон бололтой.

Хурал хэдийгээр өчигдөр өндөрлөсөн ч Спортын арбитрын шүүх ямар шийдвэр гаргахаа маш удаан зөвлөлдсөний эцэст залуу охиныг Бээжингийн олимпын наадамд орохыг зөвшөөрсөн шийдвэр гаргалаа.

Спортын арбитрын шүүх энэ удаагийн хурлаараа ОУОХ, Олон улсын тэшүүрийн холбоо, WADA-гийн гомдлыг авч хэлэлцсэнгүй.

Ийн дэлхий нийтийн анхаарлыг сүүлийн хэдэн өдрийн турш татсан асуудал шийдэгдсэнээр Камила маргааш болох тэмцээндээ оролцох боломжтой боллоо.

  

 532    2022-2-14
Энэхүү мэдээ нь зохиогчийн эрх зөрчсөн, зохисгүй агуулга оруулсан, бусдын эрх ашигт халдсан байвал дараах утсаар мэдэгдэнэ үү: 99503250
Сэтгэгдэл илгээхийн тулд хариуг оруулна уу
Сэтгэгдэл (0)

Онцлох мэдээ

Зохиогчийн эрх хуулиар хамгаалагдсан болно.

BreakingNews.mn сайтын уран бүтээлчид, сэтгүүлчдийн мэдээллийг
редакцийн зөвшөөрөлгүй хуулбарлах, цацах, ямар нэгэн хэлбэрээр ашиглахыг хориглоно.