...
...
  1. Нүүр
  2. Нийгэм

Ц.Оюунчимэг: "Суут нууц" номоос түүхийн олон ээдрээний учрыг олно

 834    2022-2-23

Сэтгүүлч, яруу найрагч Д.Дамдинжавын “Суу билгийн судар-Суут нууц” номын нээлтийн үеэр "Зиндаа" сэтгүүлийн Ахлах зөвлөх, "Суут нууц" номын редактор Ц.Оюунчимэг сэтгэгдлээ хуваалцлаа. 

Тэрбээр "Суут нууц" ном монгол хүн бүрийн унших хэрэгтэй бүтээл гэж бодож байна. Уншсан хүн түүхийн олон ээдрээний учрыг олж мэднэ. Ялангуяа залуучуудын танин мэдэхүйд чухал ач холбогдолтой мэдээлэл их байгаа.  Түүхийг унших сонирхлыг өдөөсөн маш сайн гаргалгаатай, тухайн цаг үеийн хэллэгүүдээр бичсэн, даацтай бүтээл болсон. 

Энэхүү номыг редакторлаж байхад тухайн цаг үе тус бүрийн түүхэн эх сурвалжийн талаар эргэн судлах, Монгол хэлний зүйн мэдээллийг нягтлах шаардлагатай болсон. 

Монголд төдийлөн гарч ирээгүй байсан эчнээ буюу эдүгэчилсэн ярилцлага гэдэг зүйл гаднын сэтгүүлзүйд бол алдартай. Тухайн цаг үед түүхэн судалгаагаар нэвтэрч очоод, тэр цаг үеийн сэтгэлгээгээр хийсэн бичихийг хэлж байгаа юм. Д.Дамдинжавын хувьд энэхүү номыг бичихийн тулд түүхийн маш их судалгаа хийж, олон ном уншсан юм билээ. Ингэснээр цуглуулсан мэдээлэлдээ дүн шинжилгээ хийж, бичихдээ уран сайхны бүтээлийн хэмжээнд маш чадварлагаар гаргаж ирсэн. 

Би "Зиндаа" сэтгүүлд нэг удаа археологийн доктор У.Эрдэнэбат гэх эрдэмтэнтэй ярилцлага хийж байсан юм. Тэр хүн "Археологийн олдворын цаг үеийг нь тогтоож, бүрэн шинжлэхээр цаг хугацаагаар аялж байгаа юм шиг санагддаг" гэж хэлж байсан юм. 

Түүн шиг "Суут нууц" номыг уншихад яг л цаг хугацаагаар аялж байгаа мэт сэтгэгдэл төрнө" гэлээ. 

 

ВИДЕО ХЭЛБЭРЭЭР ҮЗЭХ: 

 

 834    2022-2-23
Энэхүү мэдээ нь зохиогчийн эрх зөрчсөн, зохисгүй агуулга оруулсан, бусдын эрх ашигт халдсан байвал дараах утсаар мэдэгдэнэ үү: 99503250
Сэтгэгдэл илгээхийн тулд хариуг оруулна уу
Сэтгэгдэл (0)

Онцлох мэдээ

Зохиогчийн эрх хуулиар хамгаалагдсан болно.

BreakingNews.mn сайтын уран бүтээлчид, сэтгүүлчдийн мэдээллийг
редакцийн зөвшөөрөлгүй хуулбарлах, цацах, ямар нэгэн хэлбэрээр ашиглахыг хориглоно.