...
...
  1. Нүүр
  2. Сонгууль 2016

Риог зорьсон Монгол тамирчдын тухай таван баримт

 4128     5   2016-8-8

1. Монголчуудын оролцсон Зуны олимпийн 13 дахь наадам-Рио-2016 олимпийн дэвжээнд бид спортын 9 төрлийн 43 тамирчнаа илгээсэн. Өмнөх 12 удаагийн наадамд спортын 10 төрлөөр 226 тамирчин (үүнээс эрэгтэй 177, эмэгтэй 49) илгээсэн бол энэ удаа уламжлалт төрлүүдээс зөвхөн гимнастик, дугуйгаар эрхээ авч чадаагүй бөгөөд шинээр таеквондогийн спорт нь Монголын олимпийн 11 дэх төрөл болон нэмэгдлээ.

2. Риод 43 тамирчнаа илгээсэн нь хамгийн олон тамирчин оролцуулсан Москва-1980 олимпийнхыг давтсан үйл явдал болж байна. Гэхдээ 43 тамирчны 41 нь эрхээ биелүүлэн оролцож байгаагаар онцлогтой. Нөгөө талаар эрхээ биелүүлж оролцдог болсон цаг үеийн түүхэнд хамгийн өндөр бүрэлдэхүүнтэй нь болжээ.

3. Манай 43 тамирчны 27 нь анх удаагаа олимпийн наадамд өрсөлдөж байна.

4. Байт харвааны тамирчин Ж.Гантөгс Риогийн олимп эхлэх өдөр 44 нас 115 хоногтой байж хамгийн ахимаг насандаа олимпийн наадамд оролцсон Монгол тамирчны дээд амжилтыг эзэмших боллоо. Өмнөх дээд амжилтыг цаначин Л.Дорж 1984 оны олимпод 40 нас 217 хоногтойдоо тогтоожээ.

5. Монголын тамирчдаас хамгийн олон (6 дахь) олимпод оролцож буй мэргэн бууч О.Гүндэгмаа хамгийн ахимаг эмэгтэй тамирчны дээд амжилтыг мөн шинэчиллээ. Тэрээр Ригийн олимпийн нээлтийн өдөр 38 нас 74 хоногтойгоор энэхүү үзүүлэлтийг тэргүүлж эхэлсэн юм. Өмнөх рекордын эзэн нь цаначин Д.Энхээ (37 нас 190 хоног-2002 онд) байжээ.

 

Эх сурвалж:MSPU

 4128     5   2016-8-8
Энэхүү мэдээ нь зохиогчийн эрх зөрчсөн, зохисгүй агуулга оруулсан, бусдын эрх ашигт халдсан байвал дараах утсаар мэдэгдэнэ үү: 99503250
Сэтгэгдэл илгээхийн тулд хариуг оруулна уу
Сэтгэгдэл (5)

Онцлох мэдээ

Зохиогчийн эрх хуулиар хамгаалагдсан болно.

BreakingNews.mn сайтын уран бүтээлчид, сэтгүүлчдийн мэдээллийг
редакцийн зөвшөөрөлгүй хуулбарлах, цацах, ямар нэгэн хэлбэрээр ашиглахыг хориглоно.