...
...
  1. Нүүр
  2. Уул уурхай

"Энержи Ресурс"-ийн орлого 131 хувиар БУУРЧЭЭ

 1236    2016-8-29

Өмнөговь аймгийн Ухаахудагийн коксжих нүүрсний уурхайд үйл ажиллагаа явуулж байгаа “Энержи Ресурс” буюу Mongolian Mining Corporation (MMC) өнгөрсөн Баасан гарагт оны эхний хагас жилийн тайлангаа гаргалаа.

Уг тайланд дурдсанаар, тус компанийн үйл ажиллагааны орлого энэ оны эхний хагаст 31 сая ам.доллар байсан байна. Энэ нь өнгөрсөн оны мөн үеийнхтэй харьцуулахад 130%-иар буурсан дүн юм.  

Тус компанийн үйл ажиллагааны алдагдал оны эхний хагасын байдлаар 61.7 сая ам.доллартай тэнцсэн нь өмнөх оны мөн үед уг үзүүлэлт 79 сая ам.доллар байсантай харьцуулахад буурсан дүн болж байна.

Ийнхүү тус компанийн үйл ажиллагаа алдагдалтай гарахад зах зээлд нүүрсний үнэ доошилсон явдал болон борлуулалтын нүүрсний биет хэмжээ буурсан зэрэг нь голлон нөлөөлжээ.

Компани тайлант хугацаанд нийтдээ 600 мянган тонн сайн чанарын коксжих нүүрс борлуулжээ.

Энэ нь 2015 оны эхний хагас жилийн борлуулалтын дүнгээс 20%-иар бууралттай дүн боловч өмнөх оны сүүл хагасынхаас 32.8%-иар өссөн дүн болж байна. Дээр дурдсанчлан MMC-ийн борлуулалтын нүүрсний биет хэмжээ буурсан ч оны эхний хагаст тус компанийн нүүрсний олборлолт 915 мянган тоннд хүрсэн нь өмнөх оны хоёрдугаар хагасынхаас 67%-иар өссөн байна.

Гэхдээ өмнөх оны эхний хагас жилийнхтэй харьцуулахад олборлолтын хэмжээ 58%-иар танагджээ.

Үүний зэрэгцээ нүүрс угаах үйлдвэрт энэ оны эхний хагаст нийтдээ нэг сая тонн нүүрс боловсруулж, 506 мянган тонн баяжуулсан коксжих нүүрс, 251 мянган тонн боловсруулсан эрчим хүчний нүүрс үйлдвэрлэжээ.

Тус компанийн хувьд нүүрсний зах зээлийн хүнд нөхцөлд борлуулалтаа нэмэгдүүлэхээр ажиллаж буйн зэрэгцээ их хэмжээгээр хуримтлагдаад буй өр төлбөрийн бүтцийг дахин шинэчлэх замаар төлбөрийн дарамтыг багасгахыг зорьж байгаа аж.

Ирэх сарын 1-ний өдөр Кэймэний арлуудын Дээд шүүхээс өрийн бүтцийг дахин шинэчлэх асуудлаар тодорхой шийдвэр гарах төлөвтэй байгаа юм.

Хэдийгээр энэ оны эхний хагасын сүүл хэсэгт коксжих нүүрсний зах зээлд тодорхой сэргэлт ажиглагдаж эхэлсэн ч MMC тайландаа "түр хугацааны үнийн өсөлт нь тус компанийн санхүүгийн үзүүлэлтэд төдийлөн сайнаар нөлөөлөөгүй" гэж тэмдэглэжээ. 

Эх сурвалж: Mongolianmining

 1236    2016-8-29
Энэхүү мэдээ нь зохиогчийн эрх зөрчсөн, зохисгүй агуулга оруулсан, бусдын эрх ашигт халдсан байвал дараах утсаар мэдэгдэнэ үү: 99503250
Сэтгэгдэл илгээхийн тулд хариуг оруулна уу
Сэтгэгдэл (0)

Онцлох мэдээ

Зохиогчийн эрх хуулиар хамгаалагдсан болно.

BreakingNews.mn сайтын уран бүтээлчид, сэтгүүлчдийн мэдээллийг
редакцийн зөвшөөрөлгүй хуулбарлах, цацах, ямар нэгэн хэлбэрээр ашиглахыг хориглоно.