...
...

Пёнчан-2018: Оросын хоккейчид Олимпийн АВАРГА боллоо

Өмнөд Солонгосын Пёнчан хотноо явагдаж буй Өвлийн Олимпийн наадмын сүүлийн өдөр эрэгтэй хоккейн алтан медалийн төлөөх тоглолт Орос-Германы шигшээ багуудын хооронд явагдан, 4:3 харьцаатайгаар Оросын шигшээ баг энэ удаагийн Олимпийн аваргаар тодорлоо.

Хоёр багийн тоглолт ихээхэн ширүүн өрнөж, тэмцээний 3 дахь үе дуусахад 3:3 гэсэн адил харьцаатай өндөрлөсөн тул ахин илүү цагаар тоглоход хүрсэн билээ.

Ингээд шигшээ тоглолтын илүү цагийн журам ёсоор 20 минут сунгасан бөгөөд тоглолтын тал хугацаа өнгөрч байх орчимд Германы нэг тоглогч торгуулиар шийтгүүлэн 2 минут суух хооронд Оросууд хүн илүү байсан учраас хялбархнаар нэг шайб оруулж, ийнхүү алтан медалийн эзэд болж чадсан юм. 

Оросын шигшээ ийнхүү аварга болоход багаа хожигдлоос аварч чадсан Никита Гусевийн гавьяа үнэхээр их байсан гэхэд хилсдэхгүй.

Оросын хоккейчдын 20 гаруй жилийн мөрөөдөл ийнхүү биелэв...

Д.Мөрөн

Эх сурвалж: Breakingnews.mn

Энэхүү мэдээ нь зохиогчийн эрх зөрчсөн, зохисгүй агуулга оруулсан, бусдын эрх ашигт халдсан байвал дараах утсаар мэдэгдэнэ үү: 99503250
Сэтгэгдэл илгээхийн тулд хариуг оруулна уу
Сэтгэгдэл (13)

Онцлох мэдээ