...
...
  1. Нүүр
  2. Нийслэл

Газар шорооны ажил хийхгүйгээр цэвэр усны шугам солих дэвшилтэт технологи нэвтрүүллээ

 800     1   2018-9-14

Улаанбаатар хотын цэвэр, бохир усны шугам сүлжээг анх 1959 онд ашиглалтад оруулсан байдаг. Одоогийн байдлаар ус хангамж, ариутгах татуургын 856,5 км шугам сүлжээ бий. Эдгээр шугам сүлжээний ихэнх нь 60 гаруй жил болсны улмаас  элэгдэлд орж, хуучирч муудсанаар гэмтэл саатал ихээр гарч сэргээн засварлах шаардлага жил бүр тулгардаг. 

Тэгвэл Монгол улсын Засгийн газар, Австри улсын Засгийн газар хооронд байгуулсан хэлэлцээрийн хүрээнд Улаанбаатар хотын ус хангамжийн хуучин шугам хоолойг шуудуугүй аргаар доторлох, сэргээн засварлах ажлыг хэрэгжүүлэхээр болсон. 

image

Энэ ажлын нээлтийн үйл ажиллагаа Драмын театрын хойд талбайд боллоо. Нээлтийн үйл ажиллагаанд  НИТХ-ын дарга С.Амарсайхан, Нийслэлийн засаг дарга бөгөөд Улаанбаатар хотын захирагч С.Батболд нар оролцож, Ус сувгийн удирдах газрын дарга Ц.Төрхүү болон төсөл хэрэгжүүлэгч байгууллагын удирдлагууд оролцож төслийг хэрэгжүүлж эхэлж буй үйл явцтай газар дээр нь очиж танилцлаа. Цаашид төслийг эрчимтэй хэрэгжүүлэх тал дээр  дэмжиж ажиллахаа хотын удирдлагууд илэрхийллээ.

2017-2020 онд уг төслийг хэрэгжүүлж эхлэх  бөгөөд технологийг нь цаашид үргэлжлүүлэн Монголчууд бид нутагшуулна. Улаанбаатар хотын цэвэр усны 36 км цэвэр усны шугамыг уг технологиор доторлохоор төлөвлөсөн байна.  Шугам хоолойг шуудуу ухалгүй доторлох шинэ технологийн Close Fit  болон CIPP(Cured In Place Pipe) арга нь зам талбай, ногоон байгууламжийг гэмтээж хөнддөгүй, газар шорооны ажил хийлгүйгээр шугаман дээрх 2 худгийн хооронд полиэтилин резинэн материалыг шугаман дотор сүвэлж доторлодогоороо давуу талтай юм.  Энэ аргаар шугам сүлжээг доторлосноор:

  • Шугамын ашиглалтын хугацааг уртасгах
  • Усны алдагдлыг бууруулах
  • Түгээх шугамын усны чанар дахь механик нөлөөг багасгах
  • Шугамын даралтыг нэмэгдүүлж цахилгааны зардлыг бууруулах
  • Цаг хугацаа, зардал хэмнэх
  • Зам талбай, ногоон байгууламжийг сүйтгэхгүй
  • Байгаль орчинд ээлтэй гэх зэрэг ач холбогдолтой юм байна. 

Эх сурвалж: НИТХ-ын ХМОНХТ

 

 800     1   2018-9-14
Энэхүү мэдээ нь зохиогчийн эрх зөрчсөн, зохисгүй агуулга оруулсан, бусдын эрх ашигт халдсан байвал дараах утсаар мэдэгдэнэ үү: 99503250
Сэтгэгдэл илгээхийн тулд хариуг оруулна уу
Сэтгэгдэл (1)
  • Зочин (202.9.41.179)

    дэлхийн улс орнууд хуванцар резин мэтийг хортой гээд татгалзаад байхад манай энэ дарга нар өөртөө мөнгө олж байвал хамаагүй бололтой. ард түмэн нь яаж хордох нь дарга нарт хамаагүй бололтой дог яг үнэндээ хуванцар резинээр дамжсан хортой ус уумааргүй л байх юм. яах вэ? ард түмэн минь

    2018-9-14
    0 • 0 • 0

Онцлох мэдээ

Зохиогчийн эрх хуулиар хамгаалагдсан болно.

BreakingNews.mn сайтын уран бүтээлчид, сэтгүүлчдийн мэдээллийг
редакцийн зөвшөөрөлгүй хуулбарлах, цацах, ямар нэгэн хэлбэрээр ашиглахыг хориглоно.