...
...
  1. Нүүр
  2. Эрүүл мэнд

СЭЛЭНГЭ I Иргэн А-гийн гэр бүлийн гурван хүний хариу ЭЕРЭГ гарлаа

 461    2020-11-23

Сэлэнгэ аймгийн Онцгой комиссоос мэдээлж байна. 

Сүхбаатар, Алтанбулаг, Мандал сумдынхаа бүх иргэдийг урьдчилсан шинжилгээнд бүрэн хамруулах үйл ажиллагааг идэвхтэй хийж байна.

Сүхбаатар сумын иргэдийг оршин суугаа багуудын гол гол байршлуудад өнөөдрөөс буюу 23-аас эхлэн явуулын шинжилгээ авах багуудыг ажиллуулж эхэллээ.

Энд нэг зүйлийг онцгойлон анхааруулах үүднээс жишээ, баримттай хэлье. Учир нь, Сүхбаатар сумын иргэн А дөрөв хоногийн өмнө гэр бүлийн гишүүдийн хамт шинжилгээ өгөхөд зөвхөн А-ийн хариу нь эерэг гарч, одоо ХӨСҮТ-д эмчилгээнд орсон байгаа. Гэтэл түүний гэр бүлийн бусад гурван гишүүн иргэн А-аас дөрөв хоногийн дараа дахин шинжилгээ өгөхөд эхний сөрөг гарсан хариу эерэг гарлаа. Иймээс бид бүх иргэдээ шинжилгээнд хамруулах ажлыг эрчимтэй явуулж байна.

Дахин хэлэхэд энэ бол хэнд ч хэлж ирдэггүй, хийсч ирдэг аюулт өвчин. Гэмт хэрэг биш учир иргэн та гэрийн хорионы дэглэмээ мөрдөж ариутгалыг өндөр түвшинд сайн сахихыг зөвлөж, уриалж байна.

Батлагдсан 98 тохиолдол нь

Алтанбулагт - 2
Мандалд - 3
Сүхбаатарт - 93 бүртгэгдээд байна.

Иргэдийн хүсэн хүлээгээд байгаа шиг баг, гэрийн хаяг, нэр, устай нь хэлэх боломжгүй гэдгийг ойлгох хэрэгтэй.

Арваннэгдүгээр сарын 22-ны байдлаар түргэвчилсэн оношилгоонд 21.564 иргэн хамрагдаад байна. Батлагдсан болон сэжигтэй тохиолдлын хавьтал, тандалтын баталгаажуулах шинжилгээг /PCR/ 644 иргэнд хийлээ. Өссөн дүнгээр 2387 хүнийг баталгаажуулах шатны шинжилгээнд хамрууллаа.

Тусгаарлалтын 17 байранд 273 иргэн ажиглалтад байна.

Аймгийн нэгдсэн эмнэлгийн Сүрьеэгийн тасагт 35 ортой коронавирусийн эмчилгээний тасгийг ажиллуулах бэлтгэлийг хангалаа. Улаанбаатар хотоос 10.0 мянган түргэвчилсэн оношлуурын тест татан авч нөөцөө бүрдүүлээд байна.

Аймгийн хэмжээнд хүнсний хангамжийг тасалдуулахгүй байх, нөхөн хангалт хийх бүхий л арга хэмжээг Дархан-Уул аймгийн онцгой комисстой хамтран хийж байна. Иргэдэд нэн тэргүүнд шаардлагатай гурил, будаа, ургамлын тос, цай, давс гэх мэтийн өргөн хэрэглээний барааг татах ажлыг зохион байгуулж байна.

"Алтан тариа" ХХК-тай хамтран ойрын сумдад гурил хүргэх ажлыг эхлүүлээд байна.

Нийтийн эзэмшлийн гудамж, зам талбай, орц, гарцыг ариутгаж халдваргүйжүүлэх ажлыг тогтмол хийж байна.

Алтанбулаг, Мандал сумдад хяналт шалгалт, тандалт судалгаа, ариутгалын ажлыг үргэлжлүүлэн зохион байгуулж байна.

Мандал сумын тухайд 3 явуулын баг ажиллаж иргэдээс түргэвчилсэн шинжилгээг авч байна. Түргэвчилсэн оношлуурын шинжилгээнд 456 иргэн, PCR-ийн шинжилгээнд 233 иргэнийг хамруулж, ойрын хавьталын 70, дам хавьталын 37 иргэний тогтоож тусгаарлах байр болон гэрийн ажиглалтанд хянаж байна. Алтанбулаг суманд мөн шинжилгээний багийг ажиллуулж байна.

 461    2020-11-23
Энэхүү мэдээ нь зохиогчийн эрх зөрчсөн, зохисгүй агуулга оруулсан, бусдын эрх ашигт халдсан байвал дараах утсаар мэдэгдэнэ үү: 99503250
Сэтгэгдэл илгээхийн тулд хариуг оруулна уу
Сэтгэгдэл (0)

Онцлох мэдээ

Зохиогчийн эрх хуулиар хамгаалагдсан болно.

BreakingNews.mn сайтын уран бүтээлчид, сэтгүүлчдийн мэдээллийг
редакцийн зөвшөөрөлгүй хуулбарлах, цацах, ямар нэгэн хэлбэрээр ашиглахыг хориглоно.