...
...
  1. Нүүр
  2. Улс төр

Төсөвт тодотгол хийж, ТЭТГЭВЭР ТЭТГЭМЖИЙГ НЭМЛЭЭ

 898    2022-2-1

УИХ-ын /2022.01.31/ ээлжит бус чуулганы үдээс хойшхи нэгдсэн хуралдаан өндөрлөж, хаалтаа хийлээ.  

Хуралдаанаар Монгол Улсын нэгдсэн төсвийн 2022 оны төсвийн хүрээний мэдэгдэл, 2023-2024 оны төсвийн төсөөллийн тухай хуульд өөрчлөлт оруулах тухай хуулийн төсөл /Засгийн газар 2022.01.28-ны өдөр өргөн мэдүүлсэн, хэлэлцэх эсэх/, Монгол Улсын 2022 оны төсвийн тухай хуульд өөрчлөлт оруулах тухай хуулийн төсөлтэй хамт өргөн мэдүүлсэн Коронавируст халдвар /КОВИД-19/-ын цар тахлаас урьдчилан сэргийлэх, тэмцэх, нийгэм, эдийн засагт үзүүлэх сөрөг нөлөөллийг бууруулах тухай хуульд өөрчлөлт оруулах тухай хуулийн төсөл /Засгийн газар 2022.01.28-ны өдөр өргөн мэдүүлсэн, хэлэлцэх эсэх/-үүдийг эцэслэн баталлаа. 

Харин үргэлжлүүлэн Монгол Улсын 2022 оны төсвийн тухай хуульд өөрчлөлт оруулах тухай, Нийгмийн даатгалын сангийн 2022 оны төсвийн тухай хуульд өөрчлөлт оруулах тухай хуулийн төслүүд /Засгийн газар 2022.01.28-ны өдөр өргөн мэдүүлсэн, хоёр дахь хэлэлцүүлэг/-ийн дөрөв дэх хэлэлцүүлгийг хэлэлцэж, баталлаа. Ингэснээр тэтгэврийн доод хэмжээ 500 мянган төгрөг болж байна. Харин 500 мянган төгрөгөөс дээш тэтгэвэр авдаг ахмадууд 15 хувийн нэмэгдэл авна. 

Энэ талаар УИХ-ын дарга Г.Занданшатар "Монгол улсын 465 000 ахмад настны тэтгэврийг нэмэх шийдвэр өнөөдрийн ээлжит бус чуулганы нэгдсэн хуралдаанаар гарлаа.Энэхүү шийдвэр Монгол Улсын Ерөнхийлөгч, Монгол Улсын Их Хурал, Монгол Улсын Засгийн Газрын нэгдмэл бодлого нэг зүгт харсан нийтлэг эрмэлзлийн үр дүнд биеллээ олж байгааг онцлон тэмдэглэе. Сар шинийн баярын өмнөхөн азай буурал ахмадуудынхаа тэтгэврийг нэмж, цар тахлаас үүдсэн үнийн өсөлтөөс сэргийлсэн шийдвэр гаргасанд баяртай байна. Монголын төр ямар ч цаг үед ахмад буурлуудынхаа ачийг мартаж үл болно. Мөн энэхүү чухал шийдвэрийг тал бүрээс нь богино хугацаанд нухацтай хянан хэлэлцэж, ажил хэрэгч байдлаар асуудалд хандсан Улсын Их Хурлын эрхэм гишүүддээ талархал илэрхийлье" хэмээн байр сууриа илэрхийлжээ. 

 898    2022-2-1
Энэхүү мэдээ нь зохиогчийн эрх зөрчсөн, зохисгүй агуулга оруулсан, бусдын эрх ашигт халдсан байвал дараах утсаар мэдэгдэнэ үү: 99503250
Сэтгэгдэл илгээхийн тулд хариуг оруулна уу
Сэтгэгдэл (0)

Онцлох мэдээ

Зохиогчийн эрх хуулиар хамгаалагдсан болно.

BreakingNews.mn сайтын уран бүтээлчид, сэтгүүлчдийн мэдээллийг
редакцийн зөвшөөрөлгүй хуулбарлах, цацах, ямар нэгэн хэлбэрээр ашиглахыг хориглоно.