...
...
  1. Нүүр
  2. Улс төр

Улс төрийн оноо авах хэрэгсэл нь "ХӨГЖЛИЙН БАНК" уу?!

 600    2022-2-16

Парламентад сөрөг хүчин гэх тодотголтой ч сөрөг хүчнийхээ үүргийг гүйцэтгэхээ больсон АН-ынхан нам дотроо албан тушаал, тамга тэмдгээ булаацалдсан хэвээр байгаа билээ. Тэдний хэн нь албан ёсны намын дарга, хэн нь тамгаа эзэмших эрхтэй вэ гэдэг нь одоог хэр нь тодорхойгүй.

Тэгсэн атлаа тэд өнөө цагт нийгмийн том сэдэв болж, олон нийтийн анхаарлын төвд ороод байгаа "Хөгжлийн банк"-ны луйвар, булхайг шийдэх юм байх.

Учир нь, сүүлийн хэдэн өдөр АН-ын хаягтай хэдэн гишүүн "Хөгжлийн банк"-ны асуудлыг ээлж дараалан хөндөж эхэллээ. Тэд тэр хэрээр улс төрийн оноо авахын тулд дор бүрнээ хувь хувьдаа улстөржиж байхыг үгүйсгэхгүй. 

Тухайлбал, УИХ дахь АН-ын бүлгийн дарга, УИХ-ын гишүүн Д.Ганбат өчигдөр /2022.02.15/ мэдээлэл хийхдээ парламентаас "Хөгжлийн банк"-ыг шалгах Түр хороо байгуулахыг уриалав. Энэхүү уриалгаа УИХ-ын бүх гишүүнд хүргүүлж, гарын үсэг цуглуулахаа мэдэгдэнэ билээ.

Харин хажууханд нь сууж байсан УИХ-ын гишүүн С.Эрдэнэ, О.Баасанхүү нар УИХ-ын даргын захирамжаар байгуулагдсан "Хөгжлийн банк"-нд хяналт, шалгалт хийх Ажлын хэсэгт АН-аас нэг ч хүн орж ажиллахгүй гэдгийг хэллээ.

Өөрөөр хэлбэл, АН-аас нэг ч гишүүн Ажлын хэсэгт орж ажиллахгүй бөгөөд өөрсдөө "Хөгжлийн банк"-нд хяналт, шалгалт хийж үр дүнгээ УИХ-аас байгуулагдсан Ажлын хэсгийн дүгнэлттэй тулгаж, олон нийтэд мэдээлэх аж. 

Тэгвэл нөгөө талд УИХ-ын дэд дарга С.Одонтуяа "Хөгжлийн банк"-ны асуудалд байр сууриа илэрхийлсэн байна. Тэрбээр өөрийн цахим хуудсаараа дамжуулж, "Хөгжлийн банк"-ны асуудлыг эрх баригч намын дотоод хагарал, зодоонтой холбон тайлбарлаж, буруутанг бусдаас хайж сууна. 

Энэ мэтээр "Хөгжлийн банк"-ыг улс төрийн ашиг хонжоо, иргэд сонгогчдоосоо оноо авах хэрэгсэл болгон ашиглаж байж мэдэх улстөрчид АН-аар нэг байгаа бололтой шүү. 

 600    2022-2-16
Энэхүү мэдээ нь зохиогчийн эрх зөрчсөн, зохисгүй агуулга оруулсан, бусдын эрх ашигт халдсан байвал дараах утсаар мэдэгдэнэ үү: 99503250
Сэтгэгдэл илгээхийн тулд хариуг оруулна уу
Сэтгэгдэл (0)

Онцлох мэдээ

Зохиогчийн эрх хуулиар хамгаалагдсан болно.

BreakingNews.mn сайтын уран бүтээлчид, сэтгүүлчдийн мэдээллийг
редакцийн зөвшөөрөлгүй хуулбарлах, цацах, ямар нэгэн хэлбэрээр ашиглахыг хориглоно.