...
...
  1. Нүүр
  2. Нийгэм

МЭДЭГДЭЛ

 1370     4   2022-9-21

МЭДЭГДЭЛ

         Сүүлийн өдрүүдэд “Цемент шохой” ТӨХК-ийн хүний нөөц, техник, технологи, худалдан авах ажиллагаатай холбоотой ташаа мэдээ, мэдээлэл хэвлэл мэдээллийн хэрэгсэл болон олон нийтийн сүлжээнд гараад байна.  

        “Цемент шохой” ТӨХК нь 765 хүний бүрэлдэхүүнтэйгээр үйл ажиллагаагаа явуулж буй бөгөөд хувийн хэвшлээс төрийн өмчид шилжих үед нэг ч инженер, техникийн ажилтныг хууль бусаар ажлаас халаагүй болно. Тодруулбал, хууль бусаар, намын ялгаварлан гадуурхалтаар ажлаас халагдсан гэж мэдээлж буй инженер, техникийн нэр бүхий ажилтнууд нь өөрсдийн хүсэлтээр өргөдөл өгч, ажлаас чөлөөлөгдсөн болно.                        

         Тус үйлдвэр хувийн өмчид байх үед Чулуунцрын үйлдвэрийн 60 метр урт эргэх зуухны тоосго солих ажлыг бүрэн бус, хэсэгчилж хийж ирсэн бөгөөд бүрэн солиогүйгээс үүдэн зайлшгүй засвар хийх шаардлага үүссэн. Үйлдвэрийг төрийн өмчид хүлээн авахад, зуухны доторлогооны галд тэсвэртэй тоосгыг бүрэн солих шаардлагатай, улмаар тоосгоны нөөцгүй, тоосгыг татан авахад БНХАУ-ын Эрээн хот, боомт орчимд Covid 19 цар тахлын улмаас тээврийн үйл ажиллагаа саатсан зэрэг хүндрэл үүссэн нь томоохон сорилт болсон     Гэсэн хэдий ч Чулуунцрын үйлдвэрийн эргэх зуухны техникийн засвар үйлчилгээг манай компанийн инженер, техникийн ажилтнууд 24 цагаар ажиллан, засварын ажлыг шуурхай гүйцэтгэн, 2022 оны есдүгээр сарын 20-нд зуухны доторлогооны тоосгыг солих ажлыг зуун хувь гүйцэтгээд байна.     Мөн шаардлагатай бусад сэлбэгүүдийг татан авч, 2022 оны есдүгээр сарын 26-аас Чулуунцрын үйлдвэрт гал өгч, аравдугаар сарын 1-ээс цементийн үйлдвэр хэвийн горимын дагуу ажиллаж, Улаанбаатар-Дархан чиглэлийн авто зам болон албан байгууллага, хэрэглэгчдэд цемент нийлүүлж эхлэхээр төлөвлөн ажиллаж байна.                                               

       Галд тэсвэртэй тоосго худалдан авах ажиллагааг Сангийн яам, ТӨБЗГ, ТУЗ-д мэдэгдэн зохих дүрэм журмын дагуу худалдан авах ажиллагааг зохион байгуулсан билээ.   Цементийн чанарын тухайд, клинкерийн хаягдлаар цемент үйлдвэрлээгүй болохыг хатуу мэдэгдэж байна. Цемент үйлдвэрлэсний дараа тухай бүр лабораторид шинжилдэг ба манай үйлдвэрээс цемент худалдан авсан компаниуд ч мөн дээж авч, өөрсдийн лабораторид шинжилдэг билээ.                                                                                                  

        “Цемент шохой” ТӨХК нь хуулиас гадуур үйл ажиллагаа явуулаагүй, мөн чулуунцрын үйлдвэрийн зуухыг хэт ачаалж гулзайлт үүсгэн эвдэлсэн зэрэг нь санаатайгаар үйлдвэрийн хамт олныг харлуулсан, ташаа мэдээлэл болохыг хариуцлагатайгаар мэдэгдэж байна. Цаашид компанийн үйл ажиллагааны талаар энэ мэт худал хуурмаг мэдээлэл тараах ажлаа зогсоохгүй бол хууль хяналтын байгууллагад хандахыг мэдэгдэж байна.


“ЦЕМЕНТ ШОХОЙ” ТӨХК

2022 ОНЫ 9 ДҮГЭЭР САРЫН 21

 1370     4   2022-9-21
Энэхүү мэдээ нь зохиогчийн эрх зөрчсөн, зохисгүй агуулга оруулсан, бусдын эрх ашигт халдсан байвал дараах утсаар мэдэгдэнэ үү: 99503250
Сэтгэгдэл илгээхийн тулд хариуг оруулна уу
Сэтгэгдэл (4)
  • Зочин (64.119.19.6)

    ИД ЦЕМЕНТИЙН ХЭРЭГЛЭЭНИЙ ҮЕД ҮЙЛДВЭРЛЭЛ ЗОГСООЖ ТЭНЭГТЧИХЭЭД ЮУ ЮУ ГЭНЭ ВЭ !

    2022-9-22
    0 • 0 • 0
  • Зочин (64.119.19.6)

    НАМ ДАМЖИН БИЕЭ ҮНЭЛДЭГ ЯНХАН ЧИНЬ МЭДЭГДЭЛ ХИЙЖ АРЬСАА ХАМГААЛАХЫГ ОРОЛДЖЭЭ!!! ЗҮГЭЭР Л ЧАДДАГТ АЖЛАА ӨГӨӨД ҮТЭР ЗАЙЛЖ ҮЗ !!!

    2022-9-22
    0 • 0 • 2
  • Зочин (202.126.89.193)

    Зөв байна, ингэж ажлын явцын үнэн зөв мэдээллийг худлаа хөөрөгдөгчидөд тухай бүр өгөж ажиллах хэрэгтэй.

    2022-9-22
    0 • 0 • 1
  • Зочин Цахиур (103.229.120.145)

    Наранд унтаад саранд нь ажиллав гэдэг шиг өвөл болж байхад цементээр яахав дэ! Цагын юм цагтаа үнэ цэнтэй бдаг юм да!

    2022-9-22
    0 • 0 • 3

Онцлох мэдээ

Зохиогчийн эрх хуулиар хамгаалагдсан болно.

BreakingNews.mn сайтын уран бүтээлчид, сэтгүүлчдийн мэдээллийг
редакцийн зөвшөөрөлгүй хуулбарлах, цацах, ямар нэгэн хэлбэрээр ашиглахыг хориглоно.