...
...
  1. Нүүр
  2. Нийгэм

Импортыг орлох 34 төсөлд 6,1 тэрбум төгрөгийн зээл олгоно

 196    2022-10-24

Жижиг, дунд үйлдвэрийг хөгжүүлэх сангаас 2022 онд хөнгөлөлттэй зээл олгох төслийн сонгон шалгаруулалтыг амжилттай зохион байгууллаа. Төслийн сонгон шалгаруулалт дөрвөн үе шаттай явагдаж, хүсэлт ирүүлсэн 867 төслөөс 51 төслийг санхүүжүүлэхээр боллоо. 

Ингэхдээ гурван шатны нийлбэр дүнгээр хамгийн өндөр оноо авсан 34 төслийг 6,1 тэрбум төгрөгөөр эхний ээлжинд санхүүжүүлэхээр болсон юм.

Харин үлдсэн 17 төслийг дараагийн ээлжинд буюу зөвшөөрөгдсөн зээлийн эргэн төлөлтөөр санхүүжүүлэх аж. 

Төслийн сонгон шалгаруулалтын дүнг ЭНД дарж харах боломжтой. 

 

Дахин сануулахад, Засгийн газрын хэрэгжүүлэгч агентлаг Жижиг, дунд үйлдвэрийн газар нь Монгол улсын Засгийн газрын 2020 оны 113 дугаар тогтоолоор батлагдсан “Жижиг, дунд үйлдвэрийг хөгжүүлэх сангаас хөнгөлөлттэй зээл олгох, сонгон шалгаруулах, дамжуулан зээлдүүлэх, эргэн төлүүлэх, хяналт тавих журам” болон Хүнс, хөдөө аж ахуй, хөнгөн үйлдвэрийн сайдын “Хөнгөлөлттэй зээлийн ерөнхий нөхцөл батлах тухай” А/168 дугаар тушаалын дагуу Жижиг, дунд үйлдвэрийг хөгжүүлэх сангаас 2022 онд олгох хөнгөлөлттэй зээлийн төслийг 2022 оны 06 дугаар сарын 06-ны өдрөөс 07 дугаар сарын 06-ны хооронд 30 хоногийн турш орон даяар Төсөл хүлээн авах цахим системээр хүлээн авсан.

Төсөл хүлээн авах хугацаанд нийт 867 төслийн 105.4 тэрбум төгрөгийн хүсэлтийг ирүүлснээс цахим системд 571 аж ахуйн нэгж 82.4 тэрбум төгрөгийн зээлийн хүсэлтээ баталгаажуулсан байна. Үүнээс Улаанбаатар хотод 226 төслийн хүсэлт хүлээн авснаас төсөл сонгон шалгаруулалтын эцсийн шат буюу Хорооны хуралд 8,6 тэрбум төгрөгийн санхүүжилт бүхий 51 төсөл шалгарч үлдээд байсан юм.

ТӨСЛИЙН СОНГОН ШАЛГАРУУЛАЛТЫН ШУУД ДАМЖУУЛАЛТ!

 

 196    2022-10-24
Энэхүү мэдээ нь зохиогчийн эрх зөрчсөн, зохисгүй агуулга оруулсан, бусдын эрх ашигт халдсан байвал дараах утсаар мэдэгдэнэ үү: 99503250
Сэтгэгдэл илгээхийн тулд хариуг оруулна уу
Сэтгэгдэл (0)

Онцлох мэдээ

Зохиогчийн эрх хуулиар хамгаалагдсан болно.

BreakingNews.mn сайтын уран бүтээлчид, сэтгүүлчдийн мэдээллийг
редакцийн зөвшөөрөлгүй хуулбарлах, цацах, ямар нэгэн хэлбэрээр ашиглахыг хориглоно.