...
...
  1. Нүүр
  2. Сонин хачин

Луу дан ганц Хятадын бэлгэдэл биш!

 2667     1   2017-7-31

Манай үлгэр, домогт лууны тухай хангалттай дүрсэлсэн байдаг. Огторгуйгаар нисч, галаар тургидаг, сайндаа сайн, муудаа ч муу, тийм нэг лууг үлгэр домгоос бид сонсч өссөн билээ. Тэгвэл лууны талаар Билгүүн номч Б.Ринчений хүү доктор,археологич Р. Барсболд: 

" Луу бол ертөнцийн дөрвөн хүчтэний нэг. Одоо дэлхий нийтээр хятадынх гэж ойлгодог болсноос биш уул шугамандаа нүүдэлчдээс гаралтай ойлголт юм.

Хүннүгийн нийслэл "Луут хот" нь одоогийн Орхоны хөндийд байжээ. Хүннүгийн Шаньюйгийн титэм мөн Луу ороосон, бүсний арал нь луун чимэглэлтэй байв.
Мөн Хубилай хааны үед цэргийн хувцас, дуулга "Хөх луу"-ны дүрслэл агуулсан байдаг.

12 жил амьтантай цаг тоолол Хүннүгийн үед үүсчээ. 12 жил амьтантай цаг тоолол нь жилийн дөрвөн улиралтай нүүдэлчин амьдралд зохицсон тоолол бөгөөд Хүннү улс өмнөд, хойд болон хуваагдахад өмнөд Хүннү нангиадын бүрэлдэхүүнд оржээ. Улмаар Хүннүгийн аймгаас 12 жилтэй цаг тооны литийг авч ашигласан тухай нангиадын эртний сурвалж бичигт үлджээ.

Хожим хятадууд 12 жилээс Лууг бэлгэдэлт амьтан болгон сонгохдоо өөрсдийн улаан өнгөөр дүрсэлдэг болсон байна.

Хубилай хааны цэргийн хувцас хөх луутай байдаг. Мөн лууны хумсны тоо Монгол луу, Хятад луу ялгаатай ажээ.
Дундговь болон Увс аймгийн нутгаас нисдэг үлэг гүрвэлийн яс олдсон нь эрт цагт амьдарч байсан үлэг гүрвэлийг монголчууд "Луу "гэж нэрлэдэг байсан гэх таамаглал байдаг.

Мөн Үлэг гүрвэл гэхээр хэвлээр явагч мэтээр нэрлэсэн нь буруу ойлголт ажээ. Үлэг гүрвэл гэж балар цагийн амьтад нь дан ганц мөлхөгч гэхээсээ илүүтэй нисдэг, усанд гарамгай сэлдэг амьтад байсан." хэмээжээ.

А.Тэмүүл

 

 2667     1   2017-7-31
Энэхүү мэдээ нь зохиогчийн эрх зөрчсөн, зохисгүй агуулга оруулсан, бусдын эрх ашигт халдсан байвал дараах утсаар мэдэгдэнэ үү: 99503250
Сэтгэгдэл илгээхийн тулд хариуг оруулна уу
Сэтгэгдэл (1)
  • Зочин (202.180.216.19)

    Монгол Луу дөрвөн хуруутай, хумстай байдаг, Хятад луу бол харин таван хуруу, хумстай байдаг. Үүгээрээ монгол хятад луу ялгаатай.

    2017-7-31
    0 • 0 • 1

Онцлох мэдээ

Зохиогчийн эрх хуулиар хамгаалагдсан болно.

BreakingNews.mn сайтын уран бүтээлчид, сэтгүүлчдийн мэдээллийг
редакцийн зөвшөөрөлгүй хуулбарлах, цацах, ямар нэгэн хэлбэрээр ашиглахыг хориглоно.