...
...
  1. Нүүр
  2. Орон нутаг

Говийн бүсийн эрүүгийн мөрдөгч, хэсгийн төлөөлөгчдийн сургалт эхэллээ

 512    2017-12-4

Говийн бүсийн цагдаагийн газар, хэлтсийн эрүүгийн мөрдөгч, хэсгийн төлөөлөгчдийн сургалт Өмнөговь аймгийн Даланзадгад хотод өнөөдөр /2017.12.04/ эхэллээ.

Шинэчлэн батлагдсан Зөрчлийн тухай хууль, Зөрчил шалган шийдвэрлэх тухай хууль, Эрүүгийн хууль, Эрүүгийн хэрэг хянан шийдвэрлэх тухай хуулийн хэрэгжилтийг сайжруулах зорилгоор Цагдаагийн ерөнхий газраас энэхүү сургалтыг зохион байгуулж байгаа юм.

Сургалтад Өмнөговь, Дундговь, Дорноговь аймаг дахь Цагдаагийн газар, Говьсүмбэр аймаг дахь Цагдаагийн хэлтсийн эрүүгийн мөрдөгч, хэсгийн төлөөлөгч нийт 88 алба хаагч хамрагдаж байна.

Сургатын нээлтийн үйл ажиллагаа Батмөнх даян хааны нэрэмжит аймгийн төв талбайд зохион байгуулагдаж Цагдаагийн ерөнхий газрын дэд дарга, цагдаагийн хурандаа З.Дашдаваа, Өмнөговь аймаг дахь Цагдаагийн газрын дарга, цагдаагийн дэд хурандаа Г.Наранбаатар, Өмнөговь аймгийн Засаг дарга Н.Наранбаатар болон нутгийн төр захиргааны байгууллагын удирдлагууд оролцож, “Сүлд” чуулгын болон аймгийн Цагдаагийн газрын дэргэдэх “Наран говь” хамтлагийн уран бүтээлчид ая дууны дээжээсээ өргөн барилаа.

Мөн энэ өдрүүдэд Цагдаагийн ерөнхий газрын “Сүлд” чуулгын уран бүтээлчид Өмнөговь аймагт ажиллаж “Үргэлж тантай хамт” өдөрлөгийг зохион байгуулан, цагдаагийн алба хаагчид, иргэд, олон нийтэд уран бүтээлийн тоглолтоо толилуулах юм.

 512    2017-12-4
Энэхүү мэдээ нь зохиогчийн эрх зөрчсөн, зохисгүй агуулга оруулсан, бусдын эрх ашигт халдсан байвал дараах утсаар мэдэгдэнэ үү: 99503250
Сэтгэгдэл илгээхийн тулд хариуг оруулна уу
Сэтгэгдэл (0)

Онцлох мэдээ

Зохиогчийн эрх хуулиар хамгаалагдсан болно.

BreakingNews.mn сайтын уран бүтээлчид, сэтгүүлчдийн мэдээллийг
редакцийн зөвшөөрөлгүй хуулбарлах, цацах, ямар нэгэн хэлбэрээр ашиглахыг хориглоно.