...
...
  1. Нүүр
  2. Орон нутаг

Сүхбаатар аймгийн Улсын аварга малчид Ерөнхий сайдаас шагналаа хүлээж авлаа

 710    2018-2-11

Монгол Улсын Ерөнхий сайд  У.Хүрэлсүх /2018.02.08/ Сүхбаатар аймагт албан томилолтоор ажиллаж, нутгийн удирдлагууд, ард иргэдтэй уулзалт хийсэн. Мөн  малчдын хотонд зочилж, Монгол Улсын Аварга малчин болсон Мөнххаан сумын  Баянтэрэм багийн малчин Д.Нямдорж, Халзан сумын хоёрдугаар багийн малчин Г.Мөнхбаяр нарт аварга малчны цол тэмдгийг нь гардууллаа.

Малчин Д.Нямдорж нь мал сүргээ таван төрлөөр нь өсгөж 1000 гаруй тоо толгойд хүргэжээ. Ингэхдээ мал сүргийнхээ чанар, удам угсааг сайжруулж Үзэмчин үүлдрийн хуц, Баяндэлгэрийн улаан ямааны ухна, Түмэнцогт сумын дорнод талын махны хэвшлийн улаан үхэр, Сэлэнгэ үүлдрийн бухыг үндсэн сайжруулагчаар тавьж нэг малаас авах ашиг шимийн үзүүлэлтээ дээшлүүлсэн байна. Улс бүсийн гоц ашиг шимт малаар сүргийн бүтцээ бэхжүүлж, тоог биш ашиг шимийг чухалчилдаг аж. Мөн мал цөөтөй гурван өрхийг 250 толгой малаар малжуулжээ.

Малчин Д.Нямдорж нь “Баян бор” малдчын бүлгэм байгуулж жил бүр 10 тонн хүчит тэжээл, 55тонн өвс, 12 тонн хужир, шүү 2 тонн гар тэжээлийг хамтын хүчээр бэлтгэж өвлийг өнтөй давах бэлтгэлээ хангадаг байна

Халзан сумын хоёрдугаар багийн малчин Г.Мөнхбаяр нь 2014 онд аймгийн сайн малчин болсон бол энэ жил Улсын Аварга малчин болж байна. Малч ухаан, хөдөлмөрийг нь төрөөс үнэлж өндөр цол хэргэм олгоод зогсохгүй, Засгийн газрын тэргүүн биечлэн гардуулж өгч буйд тэрээр баяртай байна гэлээ.

Малчин Г.Мөнхбаяр цаашид малынхаа  тооноос илүү чанарт анхаарна. Залуу хүмүүс хөдөө нутагт амьдралаа орчин үеийн хөгжлөөс хоцроохгүй авч явах бүх нөхцөл боломж байна. Хамгийн гол нь хөдөлмөрч байх ёстой гэж үздэг хэмээн хуучиллаа.

Эх сурвалж: zasag.mn

 710    2018-2-11
Энэхүү мэдээ нь зохиогчийн эрх зөрчсөн, зохисгүй агуулга оруулсан, бусдын эрх ашигт халдсан байвал дараах утсаар мэдэгдэнэ үү: 99503250
Сэтгэгдэл илгээхийн тулд хариуг оруулна уу
Сэтгэгдэл (0)

Онцлох мэдээ

Зохиогчийн эрх хуулиар хамгаалагдсан болно.

BreakingNews.mn сайтын уран бүтээлчид, сэтгүүлчдийн мэдээллийг
редакцийн зөвшөөрөлгүй хуулбарлах, цацах, ямар нэгэн хэлбэрээр ашиглахыг хориглоно.