...
...
  1. Нүүр
  2. Орон нутаг

Архангай аймгийн үсчин, гоо засалч, хумс дизайн урлалын аварга шалгаруулах V их наадам боллоо

 266    2018-4-24

 

 

Aрхангай аймгийн үсчин, гоо засалч, хумс дизайн урлалын аварга шалгаруулах V их наадам өнгөрөгч долоо хоногт Эрдэнэбулган сумын спорт ордонд болж өндөрлөлөө. Уг наадмыг УИХ-ын гишүүн Ё.Баатарбилэг санаачилан зохиож байгуулсан бөгөөд алслагдсан сумаас эхлээд Эрдэнэбулган суманд үйл ажиллагаа явуулдаг 70 гаруй үсчин, гоо засалч, хумс дизайны хүмүүс оролцлоо. Монголын Үсчин гоо засалчдын холбооны тэргүүн Ц.Цогзолмаа тэргүүтэй мастер үсчин, сургагч багш нар хоёр өдрийн турш аймгийн үсчин, гоо засалчдад сургалт явуулсан юм. Монголын нүүрийг олон улсад тахалж яваа мастер үсчин, гоо засалчдаас хоёр өдөрт их зүйл сурлаа гэдгээ аймгийн үсчин, гоо засалчид хэлж байв. Мэргэжлийн мастер үсчин, гоо сайханчид V их наадмын шилдгүүдийг тодруулах шүүгчээр ажилласан билээ. V их наадмын “Эрэгтэй зураглалтай засалт”-ын төрөлд Л.Ганбаатар, “Эрэгтэй сонгомол засалт”, “Эрэгтэй хэлбэржүүлэлт”-ийн төрөлд М.Сэдбазар, “Эрэгтэй цогц бүтээл”-ийн төрөлд А.Алтантуяа, “Эмэгтэй салоны тайралт” төрөлд Г.Энхсайхан, “Эмэгтэй урт үсний долгионтой задгай самналт” төрөлд Б.Ишжамц, “Эмэгтэй нэмэлт үстэй, чимэглэлтэй үдшийн гоёлын самналт” төрөлд Б.Лхагвадорж, “Хуримын нүүр будалт” төрөлд Ч.Золбоо, “Гелэн хумсан дээрх уран зураглал” төрөлд Б.Адьяажаргал нар тэргүүн байрт шалгарлаа. Тэргүүн байрт шалгарсан хүмүүс ирэх тавдугаар сард Сэлэнгэ аймагт болох үсчин, гоо засалч, хумс дизайн урлалын бүсийн аварга шалгаруулах тэмцээнд оролцох эрхээ авсан юм.

 

zindaa.mn

Д.Дорж

 266    2018-4-24
Энэхүү мэдээ нь зохиогчийн эрх зөрчсөн, зохисгүй агуулга оруулсан, бусдын эрх ашигт халдсан байвал дараах утсаар мэдэгдэнэ үү: 99503250
Сэтгэгдэл илгээхийн тулд хариуг оруулна уу
Сэтгэгдэл (0)

Онцлох мэдээ

Зохиогчийн эрх хуулиар хамгаалагдсан болно.

BreakingNews.mn сайтын уран бүтээлчид, сэтгүүлчдийн мэдээллийг
редакцийн зөвшөөрөлгүй хуулбарлах, цацах, ямар нэгэн хэлбэрээр ашиглахыг хориглоно.